పుట:కాశీఖండము.pdf/461

సప్తమాశ్వాసము

449

సీ.⁠

తనమీఁద వైవంగ దంభోళి యెత్తిన         జెలఁగి సంస్తంభించె జిష్ణుభుజము కైటభారాతి చక్రము ప్రయోగించిన         వెసఁ జక్కిలముఁ బోలె విఱిచి బొక్కెఁ బటుచపేటంబునఁ బండ్లు డుల్లఁగ మొత్తి         పూషార్కువదనంబు బోసిపుచ్చెఁ జప్పముత్తెములు రాల్చినభంగి నలవోక         భగునిగ్రు డ్రదరంగ బలిమిఁ దన్నె

⁠

తే.⁠

నర్ధచంద్రబాణంబున యజ్ఞమృగము శిరముఁ దెగనేసి కట్టె నంబరముమీఁద ధాతపతిముక్కు సోణంబు దాఁకఁ గోసెఁ బ్రకటవిస్ఫూర్తి శ్రీవీరభద్రమూర్తి.

⁠ 85

తే.⁠

ద్రోహు లగు వేలుపులలోన దొరలి యున్న పదియునొక్కండ్రురుద్రులఁ బాఱ విడిచె గాసి చేయక కాకోలకంఠుపట్టి తండ్రిపేరివా రగుట చిత్తమునఁ దలఁచి.

⁠ 86

వ.⁠

అంతట.

⁠ 87

క.⁠

సిగ్గు చెడి భీతిఁ బాఱిరి బగ్గనఁ బోధించి వీరభద్రునిధాటిన్ నుగ్గు లయి యవురుసవు రయి గగ్గులకాండ్రై వికావిక లయి యమర్త్యుల్.

⁠ 88

తే.⁠

దక్షునల్లుండ్ర మెడల సూత్రములఁ గట్టి యూపములు సూత్రములతోడ సుద్ది చేసి

⁠