పుట:కాశీఖండము.pdf/402

వికీసోర్స్ నుండి
ఈ పుట అచ్చుదిద్దబడ్డది

390

శ్రీకాశీఖండము


వ.

అప్పుడు నిర్మలాంతరంగుండై యారాక్షసేంద్రుండు విరూపాక్షు ననేకప్రకారంబులం బ్రస్తుతించినం బ్రసన్నుండై యావిశ్వేశ్వరుండు గజాసురా! వరంబు వేడుమనిన నా దైత్యుండు మృత్యుంజయున కి ట్లనియె.

182


ఉ.

పుట్టినవారికి న్నియతము ల్మరణంబులు విశ్వనాథ! నా
యట్టికృతార్థుఁ డెవ్వఁడు? చరాచరవిశ్వవిధాతృసృష్టికిం
బట్టమురాజు నానతసుపర్వకిరీటతటీవిటంకసం
ఘట్టితపాదపీఠు నినుఁ గంటిఁ దుదిం గరుణాపయోనిధిన్.

183


తే.

అమరవంద్య! త్రిశూలాయుధమునఁ జీరి
యొడలు తిత్తొల్చి తోలు పచ్చడము చేసి
యుత్తరాసంగముగఁ దాల్చి యుండవలయు
నోడిగిలి రక్తబిందువు లుట్టిపడఁగ.

184


ఉ.

అంధకవైరి! నాపయి దయాగుణసంపద గల్లె నేని సీ
స్కంధమునందు నాయొడలిచర్మము పాయకయుండుఁగాత దు
ర్గంధము లేక కర్కశము గాక చినుంగక వెండికొండపై
గంధరకాళ మున్న యెసకంబున నీవరమే వరించెదన్.

185


వ.

అనిన సింధురాసురు కోరినవరం బిచ్చి యంధకవైరి కృత్తివాసుం డయ్యె. అది కారణంబుగా నత్తీర్థంబు గృత్తివాసతీర్థం బన విషమభవభయకలుషవిష (నిషేక) భంగజాంగలికం బైన గగనగంగాతీరంబునం బరమఖ్యాతి వహించె. ననంతరతీర్ణంబు లాకర్ణింపుము.

186


కలహంసతీర్థాదిమాహాత్మ్యము

మ.

కలశీసంభవ! యద్భుతంబొకటి యాకాశంబునన్ రెండు కా
కులు కాకా కృతిఁ గాకలీ కళ కళక్రూరప్రకారోద్ధతిన్