పుట:కాశీఖండము.pdf/376

వికీసోర్స్ నుండి
ఈ పుట అచ్చుదిద్దబడ్డది

షష్ఠాశ్వాసము

363


మ.

అలఘుశ్రీనిధిఁ గాశికాపురిఁ బ్రసంగానుప్రసంగంబులం
దెలియం జెప్పతిఁ గొన్నిలింగములనుం దీర్థంబుల న్నిక్క మే
తిలమాత్రంబును నందుఁ దద్విరహితోద్దేశంబు లేకున్కికిం
గలశీసంభవ! వన్నిదంబు గెలువంగా వచ్చుఁ బద్మోద్భవున్.

105


పంచనదతీర్థమాహాత్మ్యము

వ.

అనిన విని యగస్త్యుండు మహాత్మా! పంచనపతీర్థమాహాత్మ్యం బెఱింగింపవే యనినం గుమారుం డి ట్లనియె.

106


సీ.

వేదశిరుండు నా విప్రర్షి భృగువంశ
        సంభవుండు దపంబు సలుపుచుండఁ
బైత్రోవ శుచి యనుపాకశాసనుకొల్వు
        మానిని యెక్కడికేని పోవ
నయ్యచ్చరను జూచి యమ్మునీంద్రుండు ప్ర
        స్థలితేంద్రియుం డయ్యెఁ గదల వెఱచి
కమలలోచన నమస్కారంబు సేయుచుఁ
        బ్రత్యవాయముసకు భయముఁ బొంద


తే.

వెఱవకు మని పల్కి తపసి యవ్వీర్యరసము
మెలఁతకుడిచేతిలో బోసి మ్రింగు మనియెఁ
ద్రావి యది గర్భమై యప్డు తనయఁ గాంచి
సంయమీంద్రున కిచ్చియుఁ జనియె దివికి.

107


తే.

బాల యెనిమిదియేండ్లప్రాయం బగుదు
నెవ్వనికి నిత్తు ని న్నంచు ఋషి యడిగిన
నయ్య! విశ్వాధికుం డై నయతని కిమ్ము
నన్ను నని పల్కె మునితోడ నలినవదన.

108