పుట:కాశీఖండము.pdf/364

షష్ఠాశ్వాసము

351

తే.⁠

తత్త్వదృష్టి ననానిసిద్ధంబు భవము భవముఁ బుట్టింపు నడగింపఁ బ్రభుఁడు లేఁడు దనకుఁ దా నుద్భవం బొందుఁ దనకుఁ దాన విలయముల బొందు భవ మిది వినయకీర్తి!

⁠ 75

తే.⁠

బ్రహ్మవిష్ణురుద్రాదుల బ్రదుకు లెల్లఁ బట్టిచూడంగ మనబోంట్ల బ్రతుకులట్ల యనఘ! వారి దేహంబులు నస్మదాది దేహములఁ బోలెఁ గాలంబు తినును గాన.

⁠ 76

క.⁠

భద్రగుణా! యాహారము నిద్రాభయమైథునములు నిఖల మగుతనూ భృద్రాజికి సాధారణ ముద్రలు మఱి తారతమ్యములపను లేలా?

⁠ 77

సీ.⁠

హంసతూలికపాన్సునందు రానేలను         శయనించువారికి సరియె నిద్ర మెఱుఁగుఁదీఁగలఁ బోలుమెలఁత లెందఱు గల్గి         నప్పుడు నొక్కతొయ్యలియ రతికి డప్పికి నీరు వంటక మాఁకలి కశేష         జంతుసంతతి కాత్మశక్తికొలది యాకీట మాకైటభాసురాంతక మెల్ల         ప్రాణకోటికిఁ బ్రాణభయము సమము

⁠

తే.⁠

గానఁ దమయట్ల యెదిరిని కాన్పు గాన్పు జీవులకుఁ దారతమ్యంబు సెప్ప వలదు సర్వభూతములందును సమత మేలు కరుణ చేపట్టవలయుఁ గాఁ గాదు హింస.

⁠ 78