పుట:కాశీఖండము.pdf/333

320

శ్రీకాశీఖండము

తే.⁠

వేల్పు లొనరించినట్టి దుర్వృత్తి యగుట నెఱిఁగి యింతియ కాకయొం డేమి? యనుచు నారగించె దివోదాసుఁ డర్కకిరణ తాపపక్వంబు లగుపదార్థంబు లెలమి.

⁠ 308

వ.⁠

భోజనానంతరంబున నాస్థానమధ్యంబునం గొలువుండి దివోదాసుండు వాసవాదులు సేసిన యపకారంబునకుఁ బ్రతిగారంబు సింతించునవసరంబునఁ బౌరజానపదులగు జను లయ్యగ్నితిరోధానంబునకు భయంపడి యమ్మహోత్పాతంబు విన్నవింప నేతెంచిన.

⁠ 309

ఉ.⁠

అందఱ నాదరించి మిహిరాన్వయముఖ్యుఁడు వారియాత్మ లా నందముఁ బొంద ని ట్లనియె నాకనివాసులు సేసినట్టికీ డొందునె నన్ను? మీరు వెఱుకుండుఁడు భూప్రజలార! నేడ యానందవనంబునందు దహనంబు ఘటించెద యోగసంపదన్.

⁠ 310

మ.⁠

అనుమానింపక యాసురాధములు మాయాకల్పనావంచనం బున వైశ్వానరునిన్ హరించిరి యవుంబో! యింతమాత్రంబులో నన నాయోగమహానుభావమునకున్ భంగంబ వాటిల్లునే! సనెక ల్దాఁచినఁ బెండ్లి మానునొకొ! దుశ్చారిత్రము ల్గంటిరే!

⁠ 311

సీ.⁠

దహనస్వరూపంబుఁ దాల్చి యేఁ గైకొందు         హవ్యకవ్యాహతు లధ్వరములఁ బర్జన్యమూర్తిఁ జేపట్టి యే వర్షింతు         సలిలధారలు సస్యములు ఫలింప శశిదివాకరులవేషంబులుఁ దాల్చి యే         ఖండింతు గాఢాంధకారపటలిఁ

⁠