పుట:కాశీఖండము.pdf/301

288

శ్రీకాశీఖండము

సీ.⁠

వెడలి యూరికి నూఱువిండ్లదవ్వున దైత్యు         దెస బహిష్కార్యంబు దీర్పవలయు నన్నూఱువిండ్లమాన మగుదూరమ్మున         బయలి కేగుట పాడి పట్టనమునఁ దల ముసుం గిడి తృణంబులు గప్పినధరిత్రి         విణ్మూత్రజలముల విడువవలయుఁ జెవి బ్రహ్మసూత్రంబుఁ దవిలింపవలయును         విష్టాస్రవోత్సర్గవేళలందు

⁠

తే.⁠

దివసముఖసంధ్య లందుదగ్దిఙ్ముఖుండు యామినులయందు శమనదిగాననుండు నగుచు మౌనవ్రతంబున నవనిసురుఁడు మలవిమోక్షంబుఁ గావించుఁ గలశజన్మ!

⁠ 192

సీ.⁠

నిలుచుండి కాఁగాదు జలమధ్యమునఁ గాదు         కాదు దున్నిననేలఁ గాదు మందఁ గాదు గోసన్నిధిఁ గా దగ్ని కెదురుగా         కా దగ్రజన్ములకట్టెదురను గాదు సస్యంబులఁ గాదు రథ్యాభూమిఁ         గాదు కట్టెదురను గాదు గాలిఁ గాదు తారాదినక్షత్రగ్రహంబులఁ         గనుఁగొంచు మలవిమోక్షం బొనర్ప

⁠

తే.⁠

శిశ్న మొకచేతఁ గబళించి చెదలు చీమ లేక శర్కరి గాక వల్మీకజంబు నెలుకకలుగును గాక మన్నెదుగఁబట్టి యరుగునది శౌచ మొనరింప నవనిసురుఁడు.

⁠ 193