పుట:కాశీఖండము.pdf/274

పంచమాశ్వాసము

261

⁠

లగుచు వాదడిచి యడిచి తమ తారతమ్యం బామ్నాయంబుల నడిగి రప్పుడు ఋగ్వేదం బిట్లనియె.

⁠ 89

సీ.⁠

సవరించు నెవ్వఁడు జఠరగోళంబున         బొడ వడంగక యుండ భూతగణము నెరయించు నెవ్వఁడు నిజసనాతనమాయ         సకలప్రపంచంబు సంతతముగ విహరించు నెవ్వండు వివిధోపనిషదర్థ         హర్మ్యాగ్రములయందు నహరహంబు చరియించు నెవ్వఁడు శాశ్వతమంగళ         ప్రోద్దామరార్భటి నొక్కరుండు

⁠

తే.⁠

నహహ! యయ్యాదిదేవుఁ డనామయుండు రుద్రుఁ డనిచింత్యుం డాద్యుఁ డరూపుఁ డుండ నవ్యయం బగుతత్త్వ మే నన వశంబె యన్యులకు నెట్టివానికి! ననఘులార!

⁠ 90

వ.⁠

అనవుడు యజుర్వేదం బి ట్లనియె.

⁠ 91

సీ.⁠

సకలాధ్వరక్రియాసంచయంబులఁ జేసి         యిజ్యమానుం డగు నెవ్వఁ డలరు నధ్యాత్మవిద్యారహస్యమార్గంబునఁ         దక్క నెవ్వఁడు గానఁ దరము గాఁడు మాయందుఁ గరము ప్రామాణ్యవిశేషంబు         లెడపకుండఁగఁ జేయు నెవ్వఁ డెపుడు ప్రకటకూటస్థస్వభావత నఖిలంబుఁ         గదల కెవ్వఁడు సమీక్షణ మొనర్చు

⁠