పుట:కాశీఖండము.pdf/262

వికీసోర్స్ నుండి
ఈ పుట అచ్చుదిద్దబడ్డది

పంచమాశ్వాసము

249


వాలాయమును మనోవాక్కాయదురితాళి
        విదళించు గంగాభివీక్షణంబు
శ్రీకంఠుకృప లేక సిద్ధింపనేరదు
        త్రిదశగంగానదీతీరవసతి
బ్రహవిజ్ఞానసంపత్ప్రాప్తిహేతువు
        జహ్నుకన్యాసింధుసలిలసేవ


తే.

కలియుగంబునఁ గలుషచిత్తులకు శఠుల
కన్యవిత్తాపహర్తల కనియతులకు
నాత్మయందుఁ బ్రాయశ్చిత్త మాచరింప
గాంక్ష గలయప్డు నరునకు గంగ దిక్కు.

29


తే.

ఆదియుగమునఁ దీర్థంబు లఖలములును
ద్రేత ద్వాపరమునయందుఁ దివ్యమునకుఁ
బుష్కరంబుఁ గురుక్షేత్రమును సుపర్వ
నిమ్నగయుఁ దీర్థములు బ్రహ్మనిర్మితములు.

30


తే.

కృతయుగంబున ధ్యానంబు కేవలంబు
తపము త్రేతాయుగంబున ద్వాపరమున
నధ్వరంబులు గలివేళయందు గంగ
జనుల కిష్టార్థసంసిద్ధిసాధనములు.

31


శా.

స్వారాజావరజాత! సార మగుప్రాగ్జన్మాంతరాభ్యాససం
స్కారంబు న్మదనుగ్రహంబు వెలిగా స్నానంబు సిద్ధించునే?
వారాణస్యుపకంఠదేశవిలుఠద్వార్వేణివీచీఘటా
ధీరధ్వానపరంపరాకలకలోద్విగ్నాఘభాగీరథిన్.

32


క.

ఆకంఠకరటిడుంఠి
శ్రీకంఠజగండమదమషీచంద్రకితా