పుట:కాశీఖండము.pdf/249

236

శ్రీకాశీఖండము

విష్ణుపట్టాభిషేకవర్ణనము

సీ.⁠

మండువేసవినాఁటిమార్తాండబింబంబు         గోడగించుఁ బసిండిగుబ్బతోడఁ దొలుకారు క్రొమ్మెఱుంగులధాళవళ్యంబు         ఠవణించు రత్నదండంబుతోడ నచ్చవెన్నెలచాయ హెచ్చుగుం దాడెడు         వెలిపట్టుజగజంపువలువతోడఁ గడలియం దేకోదకమువేళఁ బుట్టిన         పగడంపుఁదీఁగలపంజుతోడ

⁠

తే.⁠

వేనవేల్యోజనంబులవిరివి నొప్పు లక్షకోటిశలాకికాలంకృతంబు తారకాస్టూలమౌక్తికస్థాపితంబు విష్ణునకుఁ బట్టె వెనకయ్య వెల్లగొడుగు.

⁠ 296

తే.⁠

పార్వతీదేవి కైసేసె బహువిధములఁ బలుకుఁదొయ్యలి రత్నదర్పణము చూపె శచి నివాళించె మణిదీపసంచయమున శేషశయనుని పట్టాభిషేకవేళ.

⁠ 297

సీ.⁠

చాముండి యొనరించు జంపెతాళమునకు         భృంగీశ్వరుం డాడె బ్రేంకణంబు వెనుకదిక్కున నుండి కనకభూషలు మ్రోయ         సూర్యుండు శశియు వీచోపు లిడిరి వెండికట్టులతోడ వేత్రదండము పూని         సందడి నెడఁ గల్గ జడిసె జముఁడు గాలోచితంబుగాఁ గైవార మొనరించెఁ         బలుకుఁదొయ్యలి గద్యపద్యసరణి

⁠