ఈ పుట అచ్చుదిద్దబడ్డది
పీఠిక 11
లటహమదనృహరిసమధిక
కటుకంఠగభీరకుహరకహకహరవమై. 36
సీ. ధరియింప నేర్చిరి దర్భవెట్టిన వ్రేళ్ళ
లీల మాణిక్యాంగుళీయకములు;
కల్పింప నేర్చిరి గంగమట్టియమీఁదఁ
గస్తూరికాపుండ్రకంబు నొసల;
సవరింప నేర్చరి జన్నిదంబుల మ్రోలఁ
దారహారములు ముత్యాలసరులు;
చేర్పంగ నేర్చిరి శిఖల నెన్నడుములఁ
గమ్మనిక్రొత్తచెంగల్వవిరులు;
తే. ధామముల వెండి పసిడియుఁ దడఁబడంగ
బ్రాహ్మణోత్తము లగ్రహారములయందు
వేమభూపాలు ననుజన్ము వీరభద్రు
ధాత్రి వాలింప గౌతమీతటములందు. 37
తే. ప్రకటశాఖోపశాఖలఁ బంటవంశ
ముద్ధరించినవేమేంద్రుఁ డుదయవేళ
శివు విశాఖుని బూజించు భక్తి
లలితబిల్వత్రిశాఖపలాశసమితి. 38
సీ. త్ర్యంబకాచలకన్యకాంబుపూరంబున
నఘమర్షణస్నాన మాచరించి
నిద్దమైన మడుంగునీర్కావిధోవతి
కనకమేఖలతోడఁ గటి ఘటించి
మూలమంత్రాక్షరంబుల భూతి మంత్రించి
పుండ్రకం బొగి ఫాలమున ధరించి
