పుట:కాశీఖండము.pdf/225

వికీసోర్స్ నుండి
ఈ పుట అచ్చుదిద్దబడ్డది

212

శ్రీకాశీఖండము


వ.

ఈతఁ డీలోకంబు సంభ్రమమయంబు విలాసమయంబు రాగ
మయంబు శృంగారమయంబును గావించుచుఁ జక్షురాకర్షణ
సిద్ధాంజనం బన మనోవశీకరణమంత్రం బన నింద్రియావేశ
చూర్ణం బనఁ గౌతుకంబునకు సంతోషంబును, సౌభాగ్యం
బునకు సిద్ధయోగంబును, మన్మథునకుజన్మాంతరంబును, యౌ
వనంబునకు సామ్రాజ్యంబును గల్పించుచున్నవాఁడు.
షోడశవర్ష దేశీయుం డీగ్రహగ్రామణి యెవ్వం డనినఁ బుణ్య!
శీలసుశీలురు శివశర్మ కి ట్లనిరి.

192


చ.

విను మధురామహానగరవిప్రకులోత్తమ! బ్రహవంశవ ర్ధన
శివవర్మ! పుణ్యకథ ధర్మకథల్ పరిపాటిఁ జెప్పఁగా, విన నతి
మాత్రదూర మగు విష్ణుపదంబున కేగుచున్నచో, మనకుఁ
బథప్రయాసములు మానెడు, విఘ్నములుం దొలంగెడున్.

193


వ.

ఇది బుధలోకంబు.

194


సీ.

రాజసూయమహాధ్వరం బెవ్వఁ డొనరించెఁ
        ద్రైలోక్యహంతకారంబుగాఁగ
నెవ్వానిప్రియభామ లిరువదేడ్వురు నల
        ధవళాయతాక్షులు దక్షసుతలు
మన్మథాంతకుజటామకుటకోటికి నెవ్వఁ
        డవతంసకుమమాల్యత వహించె
నెవ్వఁడు నలువతే రెక్కి యష్టాదశ
        ద్వీపియం దసివాఱు దిరిగె లీలఁ


తే.

జంద్రికాపాండుకౌశేయశాటి యైన
యతనుజగజంపుగొడు గెవ్వఁ డవ్విధుండు