పుట:కాశీఖండము.pdf/191

వికీసోర్స్ నుండి
ఈ పుట అచ్చుదిద్దబడ్డది

178

శ్రీకాశీఖండము


కర్దమప్రజాపతినందనుండు శుచిష్మంతుం డనువాఁడు ధైర్యమాధుర్యవైశారద్యాదిశోభనగుణసంపన్నుండు.అతఁడు చిఱుతవయసున సంగడీలయిన బాలకులతోడంగూడి యచ్ఛోదం బనుకొలన సలిలక్రీడలు సలుపుచు నొక్కశింశుమారంబుచేతం బట్టువడినం దోడిబాలకులు భయభ్రాంతస్వాంతులై యేతెంచి దేవార్చనాసమయంబున సమాధినిష్ఠుండైన యాతనితండ్రి కత్తెఱంగు విన్నవించిరి. విజ్ఞాతసుతవిపత్తి యయ్యును జిత్తంబు చలింపనీక యత్తపోధనసత్తముం డభిధ్యానమార్గమున బ్రహ్మాండంబుల, భువనంబుల, భూతంబులఁ, జంద్రసూర్యర్క్ష్యతారకంబులఁ, బర్వతంబుల, వనంబుల, నదుల, సముద్రంబుల, నంతర్ద్వీపంబుల, నానాదేవయోనులఁ, దదీయస్థానంబుల, వాపీకూపతటాకకుల్యాపుష్కరిణులం జూచి యందొక్క కెందమ్మికొలన మునికుమారులతోడం గూడి నిమజ్జనోన్మజ్జనంబుల రంజిలం గరయంత్రనిర్ముక్తసలిలధారాభిషేచనంబుల సముడ్డమరుకాండమడ్డుడిండిమఢిమఢీమధ్వానంబుల దారకుండు విహారంబు సలుపుటయు, నప్పూర్ణేందుబింబవదను నిందుబింబంబుఁ బట్టం బఱతెంచు రాహువుంబోలె నొక్కమహాగ్రాహంబు సమగ్రాగ్రహంబునం బఱతెంచి పట్టుటయు, నమ్మొసలి సరసబిసరుహకిసలయకుసుమసుకుమాదేహుండగు నక్కుమారున (ను)క్కుఁదండసంబులువోని తనరెండుకోఱలం బిట్టూఁది కఱవక మెయిమెయిం గబళించి కసుగందకుండ జలాధిదేవతాసమీపంబునకుం దెచ్చుటయు, నచ్చిగురాకుఁబోఁడి యతని సరిత్పతిసమ్ముఖంబునం బెట్టుటయు, నంతలో సక్రోధరక్తాంతలోచనుండును ద్రిశూలపాణియు నగు