పుట:కాశీఖండము.pdf/169

వికీసోర్స్ నుండి
ఈ పుట అచ్చుదిద్దబడ్డది

156

శ్రీకాశీఖండము


        యొండొండఁ గాన్పించుచుండువాఁడు


తే.

త్రిభువనస్థానపతి యైనదివసకరుని
ప్రాక్ప్రతీహారపాలుండు ప్రాచినొసలి
ఘుసృణలీలాలలామంబు బిసరుహాప్తు
కుంటుసారథి తీండ్రించెఁ గొమరు మిగుల.

235


సీ.

ప్రథమసంధ్యాకాలబలిశంఖనినదంబు
        ప్రభవించె శ్రీవిశ్వవిభునినగరఁ
గదిసె నంగుళియుగ్మకం బంతరముగాఁగ
        గగనగంగారథాంగద్వయంబు
నెఱయంగఁ గై సేసి నిలువుటద్దము చూచె
        నవిముక్తమున విశాలాక్షి గౌరి
కొక్కొరొకో యని కుక్కుటంబులు మ్రోసెఁ
        గడఁగి చతుష్కటకంబునడుమఁ


తే.

బ్రహరిఁ దిరుగుట చాలించి భైరవుండు
గవనిమొగసాలయరుఁగుపైఁ గన్ను మొగిచె
డుంఠివిఘ్నేశుఁ డొనర గండూష సేసి
యుమిసె వినువీధిఁ జంద్రకుండోదకములు.

236


సీ.

ముక్తిప్రయోజనంబునఁ గుటీరకకోటి
        సావిత్రితత్త్వంబు సంగ్రహించె
బరమహంసలు పరబ్రహ్మార్థమీమాంస
        శోధించి రుపనిషద్వీథులందు
నిగమాంతవాసనానిర్వృతస్వాంతు లై
        హంస లుండిరి దృడైకాంతపరతఁ
బ్రత్యగ్రగోపాలరజ్జుసంబంధంబు