పుట:కాశీఖండము.pdf/154

141

తృతీయాశ్వాసము

⁠

ధర్మశాస్త్రంబు హృత్సరసీజముకుళంబు         ఛందోవితతి కుచస్తబకయుగము సాంఖ్యశాస్త్రంబులు శ్రవణపాశంబులు         జాతవేదుఁడు వక్త్రచంద్రబింబ

⁠

తే.⁠

మైదుతలలును శిక్షాదు లంగకములు చేష్ట యాధర్వణశ్రుతి శిఖ శివుండు బ్రహ్మమూర్ధంబు హరి యాత్మభావలక్ష ణములు మీమాంస సావిత్రి కమలచరిత!

⁠ 189

క.⁠

వ్యాహృతులతోడఁ బ్రణవో ద్గ్రాహముతో శరముతోడఁ గమలాప్తమనః ప్రాహుణికంబై యీమను వాహుతిఁ గొనుఁ బాతకముల నగ్నియుఁ బోలెన్.

⁠ 190

మ.⁠

క్షితిదేవోత్తమ! బ్రాహ్మణుండు వెలిగా జిహ్మాభిచారక్రియా క్రతుతంత్రంబున శాత్రవున్ గుఱిచి యీగాయత్రివర్ణావళిన్ బ్రతిలోమంబున నుచ్చరించి విడువన్ బ్రహ్మాస్త్రమై తాఁకి యా ప్రతిపక్షుం దెగటార్చు నంగుళిభావప్రస్ఫోటమాత్రంబునన్.

⁠ 191

సీ.⁠

గాయత్రి విష్ణుండు గాయత్రి శంభుండు         గాయత్రి పరమేష్టి కర్మనిష్ఠ గాయత్రి విధివిష్ణుకమలసంభవమూర్తి         యైనమార్తాండుండు మౌనివర్య! గాయత్రి జపియించి గాయత్రి గొనియాడి         కాంచు విప్రుఁడు ముక్తి కలితపుణ్య! గాయత్రి సేవించు కాలంబు గాలంబు         మంత్రతంత్రములు నిర్మలవివేక!

⁠