పుట:కాశీఖండము.pdf/148

వికీసోర్స్ నుండి
ఈ పుట అచ్చుదిద్దబడ్డది

తృతీయాశ్వాసము

135


పిదపఁ బతిభక్త యగునాతి త్రిదశవేశ్య.

171


తే.

మాంత్రికుం డైన యొక సిద్ధమౌని నొండె
నొక్కవేలుపు నొండెణ బ్రియుండు వనుప
పుత్త్రసంతానలబ్ధి పొందినట్టి
లోలలోచన కప్సరోలోక మబ్బు.

172


సూర్యలోకవర్ణనము

వ.

అని చెప్ప నప్సరోలోకంబుఁ గనుంగొనుచు భాస్కరలోకంబు సేరం జని యేకచక్రంబును సప్తసప్తియు ననూరుసారథికంబును నప్సరోమునిగంధర్వామరోగసమన్వితంబును నగు రథంబుమీఁదఁ గరధృతారవిందద్వయం డయి నభోమార్గంబునం జను కమలబాంధవునిం జూపి విష్ణుకింకరు లి ట్లనిరి.

173


సీ.

సిద్ధాంతసంసిద్ధి సిద్ధసంఘంబును
        విధ్యుక్తపరిపాటి విబుధకోటి
చాటుధారాప్రౌఢిఁ జారణవ్యూహంబు
        కిన్నరవ్రాతంబు గీతసరణి
ఖచరసంఘము విశృంఖలమణి వైచిత్రి
        యాతుధానశ్రేణి యధికభక్తి
గరుడలోకము నమస్కారవాక్యంబున
        నేకాగ్రమతి దందశూకసమితి


తే.

ప్రతిదినంబును బ్రాతరారంభవేళ
నిర్ణిబంధననిరుపాధినిరవగాధ
నిర్నిరోధనిరాఘాటనిరుపమాన
భక్తి సంభజియింతు రీపద్మబంధు.

174