పుట:కాశీఖండము.pdf/136

వికీసోర్స్ నుండి
ఈ పుట అచ్చుదిద్దబడ్డది

తృతీయాశ్వాసము

123


జలధినట్టనడుమ సాంయాత్రికుఁడు కలం
బవిసినపుడు ధనమునాసవోలె.

123


సీ.

ప్రతివాసము గృహారామసస్యక్షేత్ర
        పశువీక్షణము సేయఁ బ్రాప్తుఁ డెవ్వఁ?
డిటమీఁద నేభంగి నిందుబింబానన
        విధవసంసారంబు వెడలఁబోయుఁ?
దనయు లిం కేభంగి ధనవిభాగములకై
        పోరితంబులు లేక పొసిగియుందు?
రఖిలపురాణేతిహాసశాస్త్రాగమ
        గ్రంథసంరక్ష యెక్కడిది యింక?


గీ.

నకట! మిన్నులు వడ్డచో ననద వోలె
దిక్కుమాలినప్రేత నై తిరుగవలసె
శిరసుపై మృత్యు వాడెడు శీఘ్రమునను
చావు నిక్కంబు బ్రతుకుట సంశయంబు.

124


శా.

సంతాపంబునఁ బొంద నేమిటికి నీ సంసారయాత్రావ్యథా
చింతాభారము పూని జూర్తిదహనార్చిర్దాహము ల్సాలవే
చింతింతు న్మది విశ్వనాయకు శివున్ శ్రీకాశీశాధీశ్వరుం
జింతింతున్ సరసీరుహాక్షుని హరిన్ శ్రీద్వారకావల్లభున్.

125


గీ.

ఏల చింతింప నిహమునం దెల్లసుఖము
లనుభవించితి మధురామహాపురమునఁ
బరమునందును ముక్తిసంపదయుఁ గలిగె
నేడుపురములఁ దీర్ఘంబు లాడఁగనుట.

126


వ.

అని వితర్కించుచుండ.

127