పుట:కాశీఖండము.pdf/132

తృతీయాశ్వాసము

119

⁠

కాలస్థానాధీశ్వరుఁ గాలగళున్ సంస్మరింపఁ గాంతురు ముక్తుల్.

⁠ 106

గీ.⁠

భవు మహాకాళు సేవించి బ్రాహ్మణుండు గదలెఁ గాంచీకి నక్కాంచికాపురమునఁ గలికి వేడుకకత్తె శ్రీకామకోటి గవయు నేకామ్రనాథునిఁ గరిమ గిరిశు.

⁠ 107

ఉ.⁠

కాంచికిఁ బోయి బ్రాహ్మణుఁడు గాంచెను దావళభూమి భృచ్ఛిరః కాంచనకంధరానిలయుఁ గైటభమర్దనుఁ గామకోటి ద ర్శించి భజించె బాలశశిశేఖరు నేకరసాలనాయకు న్బంచె ననేకపూర్వజననంబులఁ బుట్టిన పాతకౌఘముల్.

⁠ 108

సీ.⁠

ముడువంగ నేర్తురు ముడువ దాపటికి రాఁ         జికురబంధము లీఁగ జీరువాఱఁ బొన్నపువ్వులఁ బోలు పొక్కిళ్లు బయలుగాఁ         గట్టనేర్తురు చీర కటిభరమునఁ దొడువంగ నేర్తురు నిడువ్రేలుఁజవులయం         దవతంసకంబుగా నల్లిపువ్వు పచరింప నేర్తురు పదియాఱువన్నియ         పసిఁడిపాశములోరపట్టుచెంగు

⁠

గీ.⁠

పయ్యెదముసుఁగు బాలిండ్లఁ బ్రాఁకనీరు తఱచు పూయుదు రోల(లి) గంధంబుఁ బసుపు బందికత్తెలు సురతప్రసంగవేళఁ గంచివ్రేతలు కుసుమాస్త్రఖడ్గలతలు.

⁠ 109

గీ.⁠

కాంతి యందురు గొంద ఱక్కాంచిపేరు కమ్రకురువిందరత్నసత్కాంతిదంతి

⁠