పుట:కాశీఖండము.pdf/125

112

శ్రీకాశీఖండము

శా.⁠

నానాశాస్త్రము లభ్యసింపను ననంతద్రవ్య మార్జింప సం తానంబుం బడయంగఁ బుత్రులకు నర్థంబు ల్విభాగించి యీఁ బౌనఃపున్యమునన్ సుఖం బనుభవింపంబోయెఁ గాలంబు గౌ రీనాథున్ భజియింప నేన నయితిన్ శ్రీకాశికావల్లభుఁన్.

⁠ 80

సీ.⁠

కొలువంగ లేనైతి గోపాలకృష్ణుని         నర్చింప లేనైతి హ స్తివదను మ్రొక్కంగ లేనైతి మునిజనశ్రేణికి         సేవింప లేనైతిఁ జిత్రభాను యజియింప లేనైతి నమరసంఘాతంబు         బూజింప లేనైతిఁ భూదివిదులఁ గట్టింప లేనైతిఁ గమలకాసారంబు         నిలుపంగ లేనైతిఁ దులసివనము

⁠

తే.⁠

పేరటాండ్రను నర్చింపనేరనైతి సలిలసత్రంబు సాగింపఁజాలనైతి నాజ్యతిలహోమవిధులు మంత్రాన్వితముగ హుతవహునియందుఁ జేయంగ నోపనైతి.

⁠ 81

తే.⁠

పురుషసూక్తము శ్రీసూక్తమును జపింపఁ బావమాని పఠింపఁ దత్పరత మీఱ నర్థి శతరుద్రియంబు పంచాక్షరంబు ప్రణవమంత్రంబు జపియింపఁ బ్రతిదినంబు.

⁠ 82

క.⁠

ఈహర్మ్యము లీతురగము లీహేమము లీభుజిష్య లీధాన్యము లీ దేహము నాతో వచ్చునె? యూహింపఁగఁ బుణ్యకర్మ మొక్కటి దక్కన్.

⁠ 83