పుట:కాశీఖండము.pdf/113

100

శ్రీకాశీఖండము

⁠

బహుళమై వరశంఖపద్మ మహాపద్మ         మకరాదినిధులు నేమమునఁ గొలువఁ వింజామరలు దాల్చి వెనుకదిక్కున దేవ         గంధర్వగుహ్యకాంగనలు గొలువ నెలవంక బలువంక నింద్రాదిదివిజులు         సేవాంజలులు మౌళిఁ జేర్చి కొలువ

⁠

తే.⁠

భర్మపంకజకర్ణికాభద్రపీఠి కాగ్రమున నిండుకొలువుండి యఖిలలోక రక్షణము సేయు నిన్నేసు బ్రస్తుతింతు నసమసౌభాగ్యగుణధన్య! యబ్ధికన్య!

⁠ 48

వ.⁠

సమర్థవస్తువిభాగంబు సేయవచ్చిన శక్తిమంతుండైన యీశ్వరునకు శక్తి యగునీకు భేదంబు లేదు, గావున శక్తుం డగు నీశ్వరునకుం గలసృష్టిస్థితిసంహృతిస్వభావస్వరూపంబు లైనకృత్యంబు లైదును నీయవి. దహనునకు దాహశక్తియు, నుష్ణాంశునకు దీధితియుఁ, జంద్రునకుఁ జంద్రికయుంబోలె నీశ్వరునకు నీవు సహజవు ధ్రువవు నై యుండుదు. ఇహజన్మజన్మాంతరంబుల విహితంబు లైనవ్రతదానాదులచేత సంచితంబులైనదురితంబులు నిరసింపఁబడుటం జేసి యస్తరజస్తము లైనంత యుత్తములు విశుద్ధసత్వులయి నీతత్త్వంబుఁ జింతింతురు. భోగాపవర్గలక్షణం బైనఫలంబు పరమేశ్వరుండు పశుగణంబున కిచ్చునపుడు నిన్ను మున్నిడికొనికాని యీఁజాలండు. శబ్దబ్రహ్మంబు కారణబింద్వాత్మకంబై బిందునిష్యందత్వంబున (కుం)బురుషచ్ఛాయాప్రయత్నంబున మూలాధారావస్థితపవనసంధుక్షణంబునం జేసి

⁠