పుట:కాశీఖండము.pdf/109

వికీసోర్స్ నుండి
ఈ పుట అచ్చుదిద్దబడ్డది

96

శ్రీకాశీఖండము


మట్టిశ్రీవీరభద్రమహాచలమున
కరుగుదెంచెను వింధ్యదర్పాపహారి.

28


వ.

ఇట్లరుగు దెంచి లోపాముద్ర కి ట్లనియె.

29


తే.

దక్షిణానందవిపనమధ్యంబునందు
గ్రతువిధిధ్వంసవేళ దేవతల నురిపె(సె)(పి)
వీరభద్రేశుఁ డీయద్రి వెన్నుఁ దన్ని
గౌతమీవారిఁ దనవాలు గడిగినాడు.

30


తే.

పంకజక్ష్మాధరము వీరభద్రగిగిరియు
నంధ్రభూమికి వక్షోరుహద్వయంబు
భువనచక్షుఃకరండ మంభోరుహాక్షి!
గౌతమీగంగ ముత్యాలకంఠమాల.

31


సీ.

ఎవ్వాఁడుడాచేతి క్రొవ్వాఁడినఖములఁ
        జిదిమె భాషాదేవిచిగురుముక్కుఁ
గనకమేఖలఁ గ్రుచ్చి కట్టె నెవ్వఁడు లీలఁ
        జెఱఁగుపైఁ బూషార్కుమెఱుఁగుపండ్లు
కొసర కెవ్వఁడు పదాంగుష్ఠభాగంబున
        నుడురాజుపొట్టగొం జుఱుక నూఁదెఁ
దఱిగె నెవ్వఁడు ఖడ్గధారాంచలంబున
        నగ్నినాలుక లేడు నంటఁదఱిమి


తే.

మోదెఁ నెవ్వాఁడు ముప్పదిమూఁడుకోట్ల
వేలుపులఁ బారఁ బార వెన్వెంటఁ దఱిమి
యట్టిశ్రీవీరభద్రుఁ డీయద్రిమీఁద
భద్రకాళియుఁ దా నుండుఁ బద్మనయన!

32