పుట:కాశీఖండము.pdf/103

90 శ్రీ కాశీఖండము

తే.⁠

గిన్నరస్త్రీలఁ జూచి లంఘింపఁ బాఱుఁ గావరం బెత్తి యుద్ధామకామవృత్తి వాయుజవములు రవితేరివారువములు వేల్పుగుబ్బలిప్రస్థానవీథియందు.

⁠ 10

సీ.⁠

తమతనుచ్ఛాయ మేఘములు పచ్చనివన్నె         నుభయపక్షములు నై మూఁగియాడఁ గళ్లేలఁ దెగినసృక్వముల క్రొన్నెత్తురు         లాననంబులకుఁ గెం పావహింప నుడుపథంబునయందు నుండినగతి ధార         గమనవేగంబునఁ గానఁ బడఁగ శుకముఖద్విజకోటి సులభకౌతూహల         వ్యతిషంగమునఁ జేరి యనుసరింపఁ

⁠

తే.⁠

జిలుకలును బోలె హేమాద్రిశిఖరశృంగ కల్పవృక్షాటవీవాటికలఁ జరించె మహిధరముసేయునంకిలి మానుటయును వనజవనబాంధవుని తేరివాగువములు.

⁠ 11

సీ.⁠

ఆకాశవాహినిసైకతంబుల ఖురాం         చటంకములు గ్రుంగ జటులువడిన శాంతకుంభాచలస్థపుటస్థలంబుల         జక్రాభిహతివడి చాలకున్న బహులదూర్వాశంకఁ బ్రణతదేవకిరీట         మరకతద్యుతులకై మరులుగొన్న నిందుబింబముఁ జూచి చెందుప్పుగలుసావి         యఱు లెత్తి నాకంగ నాసపడిన

⁠