సమమయి యెడలేక చక్కనిమారేడు ఫలము సరివచ్చు చెలువు గలిగి చనుదోయ నునుచీమచాలేరు నూగారు పొన్నమొగ్గలఁబోలు చన్నుమొనలు పైఁడిగేదంగిరేకుల పాటినునుపు గలిగి రోమాళిలేక నిశ్చలములైన చిరుతదోర్మూలములు నొక్కచేత నణఁగు నడుము లేఁబొన్నపూవంటి నాభి గలిగి.
నిండారునిసుకతిన్నెలఁబోలు పిరుదులు విరుగండ్లఁబోలిన చిరుతగండ్లు అద్దమువలె నున్ననైయున్న జఘనంబు వళులొప్ప నరచేతివంటిబోటు తామరమొగ్గవిధమైన మరునిల్లు నబ్జగంధముగల్గు నచటిరసము నునుబంగరనఁటుల నెనయు పెందొడలును పూబంతి కాంతిని బోలుజాలు లంపపొదియలు చిరుతొడ లబ్జములను గేరుపదములు రాయంచ గేరునడుపు మృదుశిరీషసుమంబుల నేలుమేను గలుగుపూ(తిరు)బోఁడి పద్మినీకాంత యయ్యె.
