పుట:కామకళానిధి.pdf/39

⁠

మఱపుగలవాఁడు చింతల మలయువాఁడు కర్కశాంగుండు దుర్నీతి గలుగువాఁడు కృపణచిత్తుండు మందుండు విపులకేశి దత్తుఁ డని పల్కఁబడియె సమ్మతముగాఁగ.

⁠

గీ.⁠

ఇంక స్త్రీలకు జాతుల నేర్పరింతుఁ బద్మిని యనంగఁ జిత్తినీభామ యనఁగ శంఖిని యనంగ హస్తినీసంజ్ఞు యనఁగ వరుస దివ్యాదిభేదము ల్గరిమ జెందు.

⁠

గీ.⁠

దివ్యకాంతలలో శచీదేవి మొదలు భామినులు పద్మిను లనంగఁ బల్కఁబడిరి చిత్తినులు మేనకాదులై చెల్వుగాంతు రవల శంఖిని తారయై యతిశయిల్లు.

⁠

క.⁠

వినుము తిలోత్తమ హస్తిని యనఁగాఁ జెలువొందు నింక నతినిపుణముగాఁ గననగు దివ్యాదివ్యాం గనలందును వీటివిధము క్రమ మెఱుగంగన్.

⁠

గీ.⁠

పద్మినీజాతి రుక్మిణీభామ దలఁపఁ జిత్తిని యనంగ ద్రౌపది చెలఁగుచుండు శంఖినీజాతిభామిని సత్యభామ రాధికాదేవి హస్తినీరమణి యయ్యె.

⁠