సమబలుఁ డతిఖర్వుఁ డమలనేత్రుఁడు కామి ద్యూతపరుండు నిమ్నోదరుండు అతినీలవర్ణుండు మతిశాలి తంత్రజ్ఞుఁ డధికమత్సరి మూర్ఖుఁ డల్పరతుఁడు మర్యాదలేమి సమ్మతముగానియతండు పరనిందరతుఁడు నిష్కరుణుఁ డెపుడు ఇంగితజ్ఞానవిహీనుండు మత్సర గ్రస్తుండు కఠినవాక్భాషణుండు సంతతంబు తనదు సంస్తుతికలరెడి స్వార్థపరుఁడు పరహితార్థవైరి నాస్తికుండు కోపి ప్రస్తువాక్యుండు కూచిమారుఁ డనఁగఁ గొమరుజెందు.
అతికరుణాశాలి యతిధర్మనిష్ఠుఁడు ప్రియవాది మితభాషి ధీరహితుఁడు నిండుచందురునవ్వు నెమ్మోముగలవాఁడు వెడఁదకన్నులవాఁడు వినుతయశుఁడు ఆజానుబాహుండు రాజలక్షణశాలి మత్తమాతంగసమానయాయి నిమ్మపండు వితాన నెమ్మేనుగలవాఁడు మంజుభాషయుతుఁడు మానధనము
