పుట:కామకళానిధి.pdf/105

వికీసోర్స్ నుండి
ఈ పుట అచ్చుదిద్దబడ్డది


మ.

ఒకపాదాబ్జము నాథుపేరురమునందు న్నించి పైవంచి వే
రొకపాదంబు తదీయహస్తమునను ద్యత్క్రియ న్సాచి బా
లిక పూసెజ్జను బండియుండగను బాళిన్ శౌరి పైకొన్న యా
నకనర్ధాంగ నిపీడితాఖ్యమగు బంధం బయ్యె నిద్ధారుణిన్.


వ.

ఇది బడబాతురంగజాతులది. ఇక గోణికాపుత్ర
మతం బెఱింగించెదను.


మ.

చెలిజానుద్వయమున్ భుజాగ్రములచే జిక్కంబట్టి యం
ఘ్రులమీదం గటియుగ్మ ముంచుకొని వక్షోజద్వయిన్ రెండచే
తుల బట్టి మోవిదరమందున్ దంతము ల్నిల్పుచున్
గలయన్ జృంభితనామబంధమని విఖ్యాతంబు లోకంబునన్.


చ.

చెలువునిఫాలభాగమున జేరిచి యొక్కపదాంబుజాతమున్
తలిమము మీర వేరొకపదం బొగిసాచి పరుండినన్ మదం
బలరగ దత్కుచద్వయమునైన భుజంబులనైన బార్శ్వసీ
మలనైనం గరంబుల నమర్చి రచింప బ్రసాదితం బగున్.


గీ.

అతిపద మొక్కటి భుజంబునందు జేర్చి
చేరి రెండవకురువుపై గూరుచుండి
మాటిమాటికి నీగతి మార్చిమార్చి
కలియ వేణువిదారితకరణ మయ్యె.


గీ.

ఒక్కపాదంబు శిరముపై నుంచి యొకటి
భుజముపై నుంచి క్రీడింప భామినీ వి