పుట:కళాపూర్ణోదయము -పింగళి సూరన - కాశీభట్ట సుబ్బయ్యశాస్త్రి -1943- 630 P.pdf/70

వికీసోర్స్ నుండి
ఈ పుట ఆమోదించబడ్డది

51

ప్రధమాశ్వాసము

సీ. ఈరంభయును వీఁడు నేవేళయును రతి
                      క్రీడాపరాయణుల్ కేవలమును
    వీరి నొండొరుహాసవీక్షణోక్తులు దక్కి
                      నట్టిచేష్టితములు నెట్టి వైన
    మన్మథోద్దీపనమహిమఁ జొక్కించు నొ
                      క్కొక ప్రేమచొ ప్పిది యుర్విఁ గలదు
    కావున మము నేఁడు కనుఁగొనుటకు మున్ను
                      రంభ నవీనమార్తాండుదండ

గీ. శుభ్రఘన రేఖ వర్తిల్లఁ జూచి నగుచు
    బ్రహ్మతోనున్న శారదారమణిఁ బోల్చె
    ధనదసుతుఁడు నమ్మాటకుఁ దరుణిమోవి
    దంతశిఖ నొత్తె నత్తఱిఁ దనరుతమిని. 198

క. ఒత్తుటయు నెడుఁ గలుగని
    క్రొత్తతెఱంగునఁ జెలంగుకోమలకలవా
    గ్వృత్తి యపు డొకటి బహువి
    చ్ఛిత్తికమై దానికంఠ సీమన్ బొడమెన్ 199

ఉ. ఏయేడ నెన్నఁడుం గననియింపులు గుల్కెడుతద్గళ స్వనం
    బాయత మైనకౌతుకము నద్భుతము న్మొలపింప నేదియే
    దీ యిది చాలఁ గ్రొత్త బళి యింకొకమా ఱిక నొక్కమా
    ఱటం, చాయలినీలవేణి నలకాధిపసూనుఁడు వేఁడె వేఁడినన్ 200