పుట:కళాపూర్ణోదయము -పింగళి సూరన - కాశీభట్ట సుబ్బయ్యశాస్త్రి -1943- 630 P.pdf/51

వికీసోర్స్ నుండి
ఈ పుట ఆమోదించబడ్డది

32

కళాపూర్ణోదయము

క. కలభాషిణి యనుపే రా
   వెలఁది మును వహించు సహజవిలసత్కలభా
   షలకుఁ దగఁ జాల దిపుడది
   కలికితనముఁ జతురతయును గలపలుకులకున్ . 130

వ. ఆ సమయమున. 131

క. బాలిశకేలిశతాలస |
   తాలసదచిరావతరణతరుణిమతరుణీ
   లోలాలసాలసవిలస
   నాలోకనములు విటాళి నట్టిటు చేసెన్.132

ఉ. కూకటివేణితోఁ గురులు కూడకమున్నకుచప్రరోహముల్
    పోకలతోడిసామ్యమును బొందకమున్న నితంబసీమకున్
    వ్రేఁకఁదనం బొకింత ప్రభవింపకమున్న ప్రసూన బాణుఁ డ
    ఱ్ఱాఁకల బెట్టెఁ దా నఱవ నావెలబాలికకై విటావళిన్.

చ. తనదుమెఱుంగుఁజెక్కిళులు దాఁకఁగనీక మొగంబు నాఁపుచున్,
    జనుబొగడల్ నఖాకలనఁ జక్కిలిగింతలువోవ లోఁగుచున్,
    మనసిజుమించుభీతియును నానయుఁ బూనుచు నీ మృగాక్షి యిం,
    పొనరుచు టెన్నడొక్కొ యని యువ్విళ్లు లూరుదు రత్తఱిన్ విటుల్.134

క. తొలుఁబ్రాయపు మగకొదమల
   తలపులతగులములు మిగులఁ దను నెదురుకొనన్