పుట:కళాపూర్ణోదయము -పింగళి సూరన - కాశీభట్ట సుబ్బయ్యశాస్త్రి -1943- 630 P.pdf/46

వికీసోర్స్ నుండి
ఈ పుట ఆమోదించబడ్డది

27

-§ కథారంభము §-

క. శ్రీలకు నాకరమై వి
   ద్యాలతలకు నాలవాల మై హరికి సదా
   కేళీభవనం బై మహిఁ జాలన్
   ద్వారవతి యొప్పు సౌభాగ్యములన్. 107

ఉ. తోయధియంక భాగమునఁ దోరపుఁ బెంపులతోడఁ దత్పుర
   శ్రీ యతఁ డూర్మిహస్తములచేఁ దను ని ట్టటు ముట్టిలాలనల్
   సేయఁగ నొప్పు నంగగుణలీలల నెంతయుఁ బెద్ద యయ్యు నే
   ప్రాయము లైనఁ దండ్రియెడఁ బట్టరు వేఱొకరీతిగా జనుల్ .

చ. సురుచిరవస్తుసంపదలసొంపునఁ బెంపు వహింపుచున్నయ
    వ్వరపురి యాత్మసామ్యపువివాదము దీర్చుకొనంగఁబిల్చు ని
    ర్జరనగరిన్ సువర్ణమయసౌధకరప్రసరంబు చేత నం
    బరము గ్రహించిభూరితరపౌరజనారవగౌరవంబునన్ 109

చ. అహిమకరప్రచారసుదురాసద మై నిబిడాంధకారస
    న్నహనముపొల్పు దెల్పుచుఁదనర్చు సముద్రమహోదకంబుచే
    బహిరభివేష్టితం బగుచుభాసిలుఁ దత్పురికోట మిక్కిలిన్
    మహిమనుజక్రవాళగిరిమాడ్కి నిజూడ్కికివేడ్కసేయుచున్

చ. నలుగడలందుఁ గంబము లనం దగి రైవతకాదిపర్వతం
    బులు పయి కప్పుఱాచలుపపోలికి నింగియు నందు చిత్రభం
    గులు పచరించుసౌధమణికూటమరీచులు నొప్ప నొప్పు మి
    క్కిలిఁ బురలక్ష్మి కొలుచవికెం గొలువున్నగతిన్శుభస్థితిన్