10
కళాపూర్ణోదయము
వారుణీ సేవామదారూఢిచే నేమొ
జలభర్త దనవీటఁ గలఁగ కునికి
తల్లడం బేల యే ధనదుండ నని యే మొ.
ధనరాజు నిజపురిఁ దలఁగ కునికి
గీ. తమకు మఱి దిక్కు లేమిని దలఁకి యేమొ
కడమనలువురు మూలల నడఁగి యునికి
వీరవరుఁ డైననంద్యాల నారవిభుని
యాజి ఘోర భేరీధ్వను లడరునపుడు. 31
చ. పగ లనుశబ్దమాత్రము నభఃకుసుమంబు నిజంబు నారభూ
జగదధిపప్రతాపగుణసంపద చే రవిఁ దత్సమానుఁగాఁ
దగునె నుతింప నారవిప్రతాపమహత్త్వముచేతఁబేర్చుచుం
బగ లొకనాఁడుఁ దప్పక యపారతఁ జొప్పడుఁగాకమానునే
చ. వదలక యుత్కలేంద్రునిసవాయిబరీదు నడంచుదుర్జయుం
గుదువనమల్కఁ దల్లడిలఁ గొట్టె మహాద్భుతసంగరంబులో
నెదిరిచి కొండవీటికడ నెవ్వరు సాటి విచిత్రశౌర్యసం
పదపస నారసింహవిభుపట్టికి నారనృపాలమాళికిన్. 33
సీ. శ్రీవిష్ణుపదభక్తి చే ధర్మసంపత్తి
ధర్మసంపత్తి చేతను జయంబు
జయసిద్ది చేత నుజ్వలబాహుశౌర్యంబు
శౌర్య గౌరవముచేఁ జతురనీతి