పుట:కళాపూర్ణోదయము -పింగళి సూరన - కాశీభట్ట సుబ్బయ్యశాస్త్రి -1943- 630 P.pdf/20

వికీసోర్స్ నుండి
ఈ పుట ఆమోదించబడ్డది

శ్రీరస్తు

కళాపూర్ణోదయము



      శ్రీలావణ్యవతీకుచద్వితయకాశ్మీరప్రభాచారువ
             క్షోలంకారమణిప్రకాండము నవీనార్కుండుగా సన్మనో
             నాళీ కావిరతప్రభాత మగుచు న్భాసిల్లుతత్వంబు నం
             ద్యాలశ్రీనరసింహకృష్ణవిభు నిత్య శ్రీయుతుం జేయుతన్ .

         చ. ప్రమదవిలాసనర్తనవిభాసురగోపకిశోరమూర్తితో
             దమ కిలువేలు పై వెలయు తాండవకృష్ణుపదాబ్జసేవ ను
             త్తమతనయాది సంపదలు తామరతంపర లై ప్రవర్దిలన్
             రమణఁ దనర్చుఁగావుత ధర నరసింగయకృష్ణుఁ డెంతయున్

        మ. వలకే ల్దాపలికిం గుచస్తబక సేవాలోలతం బోవ డా
            పలి కేల్సిగ్గునమాన్ప నల్పసవి దత్పార్శ్వంపు లేఁ జెక్కుఁగో
            మలపాదంబును ముట్టుచు న్వలచుబ్రహ్మం బర్ధ నారీశ్వరుం
            డెలమిన్నిత్యముఁ బ్రోచుఁగృష్ణవసుధాధీశున్ నృసింహాత్మజున్

        చ. అనయముఁబ్రేమసంధిలఁగ నాస్యచతుష్టయయౌగపద్యచుం
            బనఘనకాంతుఁ బోలె నిగమంబుల పేరిట నాల్గురూపులం
            దనరెడుభార్యమాట జవదాఁటక సృష్టి యొనర్చు వారిజా
            సనుఁడునృసింహకృష్ణవిభుఁజాలఁజిరాయువుఁజేయుఁగావుతన్