పుట:కందుకూరి వీరేశలింగం కృత గ్రంథములు.pdf/852

నీతిదీపిక

తే. తప్పుచేసితి వేనియు, నొప్పుకొనుము  ;

         గురునిముంగలఁగల్పించుకొనుచువచ్చి
         మాయమాటలఁజెప్పుట  మానుకొమ్ము;
         దాననొజ్జలునీయెడదయఁదలంచు.

ఆ. పిలిచియొకరు మనయభిప్రాయ మడిగినఁ

           బక్షపాతబుద్ధిఁబాఱదోలి
            మనసునందుఁగలచె, మాటుపెట్టక  తెల్పె
           వలయు, నొకనికెగ్గు గలుగుచున్న.

ఆ. సూక్ష్మమంచునించి చులుకసేయఁగ రాదు;

            సూక్ష్మములె,వినుండు, స్థూలమగును
            జలకణములు గలిపి, జలరాసికాలేదె?
              చిన్నవానినేల చేయువిడువ?

ఆ. మహిమనివాఱునెలలు సహవాసమొనరింప

              వారువీరలగుదు రారయంగఁ;
               గాన, జనుఁడుమంచిమానిసితోడనె
              చెలిమినెల్లతఱినిజేయవలయు.

తే. మున్నె, వాగ్దానమొనరింపకున్నయపుడె

                పదిగఁదలపోసిమఱిచేయవలయుఁజుమ్ము
                 చేసి చెల్లింప లేకుంటసిగ్గుపాటు
                 చేయుఁ గలిగియుఁజేయమి హేయమరయ

తే. తిన్నగా మాటలాడంగఁదెలియనట్టి

                  వాఁడెవండైన,  నినుదప్పఁబలికెనేనిఁ
                  దప్పుగాఁబట్టుకొనుచును, దాని నీవు
                  పట్టిపల్లార్చి, కోపంబుపడకుమెపుడు.

ఆ. ఒక్కకాలమందు నొక్కపనినెచేసి

                  యయ్యది కడముట్టనై నవెనుక