నీతిదీపిక
యరనిమేషమునకు నన్ని యునశియించ;
విద్యయొకటె యెపుడువిడనితోడవు.
తే. రాజుతనదేశముననెగౌరవముగాంచుఁ;
బండితుఁడొ, యెల్లయెడగారవమ్మువడయుఁ;
జదువునకు రాజ్యమైనను జాలదనఁగ,
విద్యతోసాటి మఱియేదివిశ్వమునను ?
ఆడఁ కువ.
ఆ. ఎంతకలిమిగలుగు, సంతయడంకువఁ
గలిగియుండవలయు, గర్వపడక ;
యన్నిగుణములుండి, యడఁకువ లేకున్న
నిష్ఫలంబులవియు నిశ్చయముగ.
తే. చదువునకుఁదోడువునయంబుగుదిరియుంట
పశిఁడిదావియబ్బినభాతియగును
విద్యగలిగియు నడఁకువ వెలయకుంట
యమరతరువునుగచ్చచెట్టలమికొనుట.
ఆ. అడఁగిమడఁగియుండు నాతనిగుణములు,
కొలఁదివైన, మిగుల గొప్పవగును;
విఱ్ఱవీఁగుచుండువీఱిఁడిగుణములు,
గొప్పవైన, మిగులఁగొలఁదివగును.
తే.క్రిందుమీఁదును గానక కేరలిపడెడు
నరునుసుగుణములెయవగుణంబులగును;
జెప్పనేటికి? వానికిఁ జెడుగుణములె
కలిగియున్న, నిఁకెట్టుగాఁదలఁపఁబడునొ.
గర్వము
తే. కలిమి భువిలోన నీకెంతకలిగియున్న,
గర్వపడకుము నేనెకా ఘనుఁడననుచు