సీ. వెలయాలినింటనె నిడియించి దానిచేఁ
దిట్లునుదన్నులుఁ దినెడువారు
తల్లిపోయిననాఁడు దానింట నేయుండి
పనియున్నది దెవత్తున నెడివారు
కన్నెఱికము చేయు కార్యంబునకుఁ బూర్వులార్జించుమాన్యమ్ములమ్మువారు
భోగకాంతలుగాక పొరుగువారల భార్య
లనుజేరి సౌఖ్యంబుగ నెడువారు
విలువసారాయిసీసాలకొలఁదిఁద్రావి
యొడలు దెలియక వీధులఁబ డెడువారు
నగుచుమర్యాదలనుగాంతు రనవరతము । బ్రాహ్మణోత్తములాదివ్యపట్టణమున. ౭.
చ. కురుబలముం గనుంగొనుచుఁ గోటితురంగ జవంబుతోడ ను
త్తరుఁ డరదంబుడిగ్గి పురితట్టునఁ బాఱియుఁ గ్రీడిప్రేరణన్
మరలఁగఁ బోరికేగుటకు నవ్వుచు నుందురు పోటుబంటులై
పిఱికితనంబునం బురిని బేరువహించిన రాజపుంగవుల్. ౮
గీ. బియ్యమున వడ్లు బెడ్డలు పెక్కుగలిపి
నేతిలో వంటిపండ్లను నెఱయఁబిసికి
తప్పుతూనిక తూచుచుఁ దక్కువగను
గొలుచుచును గోమటులు సొమ్ముఁగూర్చుకొండ్రు. ౯
గీ. కూట సాక్ష్యంబు బ్రాహ్మణగురువలన |
బాగుగా నేర్చుకొని పాటుపడుటమఱచి
జూదములదొంగతనముల శూరులగుచు ;
శోభఁగాంతురు పురిలోన శూద్రజనులు. ౧౦
పుట:కందుకూరి వీరేశలింగం కృత గ్రంథములు.pdf/776
ఈ పుట ఆమోదించబడ్డది