ఈ పుట ఆమోదించబడ్డది
<poem>ప్రథమాశ్వాసము
క . వేయేఁడులు నీరానియు
వేయేఁడులు గాలిఁగ్రోలి విడువకయాపై వేయేండ్లోగిర మొల్లక యాయడవిని దమ్మిచూలి నతఁడు తలంపన్ .
ఉ . నిద్దపుఁబండువెన్నెలల నింపెడుసొంపగు ఱెక్కలన్
ముద్దుమెఱుంగుఁదీవియలఁ బోలినబంగరు రంగుచాఱలం దద్దయుమించునంచపయిఁ దామరచూలి కరంబుడంగా నొద్దకువచ్చి యచ్చెరువునంది కనుంగొని నింగి నిట్లనున్ .
క . ఎమ్ములుదక్కఁగ నొక్కటి
నెమ్మేనం గానరాదు నిలువల్ల జెడల్ గ్రమ్మెనుమెచ్చితిఁ దాల్మికిఁ గొమ్మయిదె కోర్కులిత్తుఁ గూరిమికుర్రా .
క . అని తనకమండలమున
నినిచినతెలీనీరు మీఁద నొకయించుక చ ల్లిన నెప్పటిమైజిగితోఁ గనుపట్టియచటు వెలువడి కడుర్మిలితోన్ .
మ. పెనులిబ్బిం గనుఁగొన్నవేదపదిం బెల్లుబ్బి కేల్దోయి మో
డ్చినిరాబారి కడానిబొజ్జగల జేజేమిన్న నగ్గించి యి ట్లనియెం గూరిమిమీర నియ్యఁగదవయ్యా వేఁడెదన్మిమ్ముఁ జి క్కనిబల్మిన్ దెసయేలుమేలుఁ బెనురొక్కంబుండుబండాలమున్ .
చ. పనిగ సతమ్ము మిమ్మొక నెపమ్మున నెమ్మది నెమ్మి నమ్మినం
గనికరమూని వాని ముడికానిని నై నను గాతురన్న ము మ్మనుమని నన్ను మిన్నకయి మన్ననఁ దిన్ననఁజేయ టబ్రమే యనవుడు నన్ని నీవడిగినట్టు లొసంగితినంచు వెండియున్ .