పుట:ఉద్భటారాధ్యచరిత్రము.pdf/429

వికీసోర్స్ నుండి
ఈ పుట అచ్చుదిద్దబడ్డది

తృతీయాశ్వాసము197


మ.

ప్రణమద్భూపకిరీటకోటిఘటితద్రాఘిష్ఠరత్నచ్చటా
ఘృణికిమ్మిరితపాదపద్ముఁడు బుధక్షేమంగరుం డింద్ర మా
రణదంతాచలరంగరంగదురుసారస్ఫారసత్కీర్తి ని
[ర్గణితేశాగ]మతత్త్వపారగుఁడు శ్రీరమ్యుండు సౌమ్యుం డిలన్.

325


క.

ఆ మల్లికార్జునగురు
స్వామికిఁ బ్రోలయగురుండు జనియించి దిశా
సామజకర్ణపుటీతట
చామరలతికాయమానసాంద్రయశుండై.

326


సీ.

శాంకరీదేవికి షణ్ముఖుండునుబోలె
        నాప్రోలనార్యునర్ధాంగలక్ష్మి
యైనశాంకరికి స్వయంభువుగారు జ
        నించు భద్రాంబికానేత యగుచు
[నార్తలోకభయాపహర్తయై] శ్రీభవా
        నీభర్తయై మహాప్రాభవమున
గల్గు వారలకు శంకరదేశికస్వామి
        యావిర్భవించు నాయలఘుమతికి


గీ.

గౌరమాప్రాణనాథుడు కంబుయశుఁడు
సోమనాథయ్య యాయనసూనుఁ డొప్పు
లింగనారాధ్యుఁ డారాధ్యలేఖవిభుఁడు
మల్లికావల్లభుఁడు కీర్తిపల్లవుండు.

327


శా.

మానాధప్రవణాత్ముఁ డాత్మవిదుఁ డామ్నాయార్థసారైకపా
వనజిహ్వాంచలుఁ డంచితస్మృతికథాన్యాసుండు చార్వాకజై
ననదీవల్లభకుంభసంభవుఁడు జన్మంబొందు మన్మయ్యలిం
గనకున్ మల్లమకుం గుమారుఁడయి గంగాంబామనోభర్తయై.

328