పుట:ఉద్భటారాధ్యచరిత్రము.pdf/413

వికీసోర్స్ నుండి
ఈ పుట అచ్చుదిద్దబడ్డది

తృతీయాశ్వాసము

181


వాతిశయంబునం జేసి కనుంగొనఁ జాలి యతని నుద్దేశించి యిట్లనియె.

263


ఉ.

ఎవ్వఁడ వీవు ధైర్యమఱి యేడ్చెద విచ్చడ నెద్ది కారణం
బెవ్వఁడు నిన్ను నిష్కృపత నింట్రము చేసెను నేఁటిదాఁక నే
నెవ్వని నిట్లు దుర్దశల కిక్కగఁ గన్గొనఁ జెప్పుమన్న వాఁ
డవ్విభుతోడ నిట్లనియె నల్లన గద్గదకంఠనాళుఁడై.

264


క.

ఏమని చెప్పుదుఁ జెప్పిన
నేమి యొనర్పంగఁజాలు దీవిధి భువన
స్వామి యగునట్టి యీశ్వరు
చే మును నియమింపఁబడియెఁ జిరపుణ్యనిధీ.

265


క.

ఏ పుణ్యసాధ్వికడుపున
నో పురుషవతంస పుట్టువొందితి నాహృ
త్తాపంబు పాలె నీపలు
కాపాదితనవసుధారసావిష్కృతియై.

266


చ.

అనఘపచార! నాదుతెఱఁ గంతయుఁ జెప్పెద నీదు పేరు పెం
పును వివరింపు నా కనుడు భూవరుఁ డిట్లను ముంజభోజుఁ డన్
జనపతి నేను విశ్వబుధసంఘనుతంబగు నిప్పురంబు నా
యునికి దగన్ మదీయగురుఁ డుద్భటుఁ డారయ భూతపుంగవా.

267


వ.

ఏను గురువియోగంబునం జేసి గాసిల్లి విసుగుచు నిర్ణిద్రదుఃఖంబున నిద్రలేక యేకతంబ యొక్క హర్మస్థలంబున మేను వైచియుండు నవసరంబున నీ యాక్రందనం బమందం బగుచు వినంబడిన దీని నరయుదముగాక యని సరయంబుగా వచ్చితిఁ బొచ్చెంబుగాదు నీ తెఱం గెఱింగింపు మనుడు నయ్యంబరచరుండు హర్షాడంబ