పుట:ఉద్భటారాధ్యచరిత్రము.pdf/406

వికీసోర్స్ నుండి
ఈ పుట అచ్చుదిద్దబడ్డది

174

ఉద్భటారాధ్యచరిత్రము


దుష్టనిగ్రహమును శిష్టరక్షణమును
        నిత్యకృత్యములుగా నిర్వహించి
స్రక్చందనాదిసారవిదూరభోగంబు
        లొలసి యొల్లమి గాఁగ నొందఁ జాలి
అప్రమత్తత్వంబు నంది బాహ్యాభ్యంత
        రముల శాత్రవులగర్వం బడంచి


గీ.

జలధివలయితవసుమతీస్థలము నొక్క
పురముఁ బ్రోచుతెఱంగునఁ బ్రోవ నేర్చి
యొప్పు నినుఁ బోల నేర్చు నే యొక్కరుండు
భూరిరుచి రాజ! శ్రీముంజభోజరాజ!

231


క.

నీవంటిశిష్యుకతమున
నావంటిగురుండు నిత్యనవ్యయశశ్శ్రీ
శ్రీవంటియఘపయోనిధి
నావంటినకరణిఁ గడుచు నరనాథమణీ!

232


క.

శిష్యుఁడు పాపము చేసిన
దూష్యస్థితి గురునిఁ జెందుఁ దోరపువీఁకన్
శిష్యుఁడు పుణ్యము సేయ న
దూష్యస్థితి గురునిఁ జెందుఁ దోరపువీఁకన్.

233


వ.

కావున శిష్యుని పుణ్యపాపంబులు గురునితలయవియ కాన యుత్తమశిష్యుఁడు గలుగుట గురునిభాగ్యంబ శిష్యుం డనుత్తముం డగుట గురునిదౌర్భాగ్యంబ యని వేదవిదులు చెప్పుదు రీవు సచ్ఛిష్యుండ వగుటం జేసి మా కదృష్టంబయ్యె నదియునుంగాక.

234