పుట:ఉద్భటారాధ్యచరిత్రము.pdf/398

వికీసోర్స్ నుండి
ఈ పుట అచ్చుదిద్దబడ్డది

166

ఉద్భటారాధ్యచరిత్రము


క.

ఆవేళ బహుళశృంగా
రావాసములై చెలంగె నద్భుతభూతిం
దేవాలయములు సద్గురు
దేవాలయములును భక్తిదేవాలయముల్.

191


సీ.

ఆపుణ్యదివసంబునందుఁ బ్రభావతీ
        సంభవుం డవితథారంభుఁ డగుచుఁ
గమనీయతీర్థోదకములు దానం బాడి
        వెన్నలనురుఁగుల విన్నఁబుచ్చు
రమణీయశుభ్రవస్త్రములు మెచ్చుగఁ గట్టి
        భసితాక్షమాలికోద్భాసి యగుచు
నసమాక్షుప్రతివచ్చునతులమూర్తుల శైవ
        లాంఛనధరుల నల్లన భజించి


గీ.

శంభులింగంబులకుఁ బ్రపూజలు ఘటించి
తనగురూత్తంసుచేఁ బ్రసాదంబు వడసి
యరిగె బహుతూర్యరవము లంబరము వొదువ
భర్గదీక్షకుఁ దగుమంటపంబు గుఱిచి.

192


వ.

అట్లు చనిచని యాఖండలకోదండదండంబునం దొరఁగుప్రభామండలంబు గండడంచునగణితతోరణంబులవలనను శాతమన్యవశిలాశకలకీలితంబులై యకాలతమోజాలంబు విశాలంబుగాఁ గలిగించు నలఘువలభులవలనను, మధ్యందినమార్తాండమండలంబుం గోడగించి విజృంభించు శాతకుంభకుంభంబులవలనను, నాశావకాశంబులు వాసించు కాలాగరుధూపమాలికలవలనను, వలను మిగిలి విశుద్ధకామధ్వజాంచలగండూషితసుధాంధస్సింధుపయోభరంబును, జతుర్ద్వారభాసురంబును, జతురశ్రవిస్తృతవేదికంబును,