పుట:ఉద్భటారాధ్యచరిత్రము.pdf/394

వికీసోర్స్ నుండి
ఈ పుట అచ్చుదిద్దబడ్డది

162

ఉద్భటారాధ్యచరిత్రము


శాఖల షడ్ద్వయసంఖ్యలఁ జేతుల
        నొండొండు నాఱాఱు నొండుచెవుల
నవతియుం బదియునునాల్గు రెండులు నుప
        వీతసూత్రంబున విధిసముక్త


గీ.

మార్గమున రుద్రమణులు ధీమంతులైన
వారలకుఁ దాల్పవలయు భూవలయనాథ
యెన్ని దాల్చినఁ దత్ఫలం బెన్నఁ దరమె?
ధాతకైన చక్షుశ్రవోనేతకైన.

170


చ.

తలఁచినఁ గన్న విన్నఁ గరతామరసంబుల నంటినం దనూ
ఫలకమునందఁ దాల్చిన నభంగురముక్తికురంగలోచనా
చలదలసప్రసాదితలసద్వలమానకటాక్షవీక్షణం
బులఁ బరితుష్టుఁ జేయు దుదిఁ బూరుషు రుద్రమణుల్ నృపాగ్రణీ.

171


క.

అనవిని చరితార్థుండై జననాథుఁడు
గురుకులాశశి నుద్భటు న
ర్చన దనియించి దీక్షకు ననుకూలుం
డుగుచునుండె నక్కాలమునన్.

172


చ.

కుసుమితాకాశ మంబుధరగోవనదూరనభస్సకాశ ము
ల్లసితమరాళి సస్యఫలలాభవిజృంభితపామరాళి శ్రీ
విసృమరసారసంబు హృతవిభ్రమసింధురసారసంబునై
యసదృశలీలఁ బొల్చె శరణాగమ మాగమనార్హమార్గమై.

173


గీ.

కలువపూఁగోల యలదేఁటి కలికినారి
నెనయు పుండ్రేక్షుధనువుతో నెక్కుద్రోచి
దర్పకుండేచి విరహచిత్తములు గలఁచి
గారవెట్టుచునుండుఁ దత్కాలమునను.

174