పుట:ఉద్భటారాధ్యచరిత్రము.pdf/375

143

ఉద్భటారాధ్యచరిత్రము

క.⁠

తల్లిగల ప్రజలకైవడి బల్లిదుఁడగు నతనిబాహుబలమున ధరలో నెల్లజనులు మోదించిరి చల్లనయై రామరాజ్యసౌఖ్యముఁ గనుచున్.

⁠ 78

క.⁠

నరవరుఁ డేల "శతాయుః పురుష" యనెడు వేదవాక్యముగఁ బ్రజ బ్రదుకున్ ధరఁ గొండ్రవేయఁ బండున్ దొరఁగున్ వర్షంబు సావితో నెయ్యెడలన్.

⁠ 79

క.⁠

హృత్పృథమేచక యయ్యను దర్పార్థివుఖడ్గయష్టి ధవళయశశ్శ్రీ నుత్పాదించున్ బ్రధిత రి పూత్పలగంధిస్మితంబు నొగిలె ననుక్రియన్.

⁠ 80

క.⁠

హరుఁడు జగంబుల నుండఁగ హరునందు జగంబు లుండ నాత్మ నెఱిఁగి భా సురవిజ్ఞానాంబుధి భూ పురందరుఁడొ యనఁగ ముంజభోజుఁడు వెలయున్.

⁠ 81

క.⁠

నుతసుగుణశాలి యగుతన సుతునందు ధరిత్రి నిలిపి సొబగొందుట హృ ద్దతిఁ గనుఁగొని ప్రమథేశ్వరుఁ డతివయుఁ దాఁ గాశికకును నరిగెడు నెడలన్.

⁠ 82

క.⁠

భవసంభవసౌఖ్యంబుల చవు లొల్లగ కుబుస మూడ్చుసర్పము పోలెన్ దవు లూడిచి ప్రమథేశుఁడు సవినయసుతుఁ బల్కు నిట్టిచందముతోడన్.

⁠ 83