పుట:ఉద్భటారాధ్యచరిత్రము.pdf/368

తృతీయాశ్వాసము

135

శా.⁠

గీర్వాణాహతమర్దలధ్వనులు గల్గెన్ సర్వదిగ్వీథి గం ధర్వీగానము తానమానములతోఁ దారస్థితిం దోఁచె స ప్తార్వద్యోతము నిర్మలంబగుచుఁ గాయం జొచ్చెఁ బాథోధియం తర్వైశ్వానరతాపమున్ వదలెఁ దన్నామోక్తికాలంబునన్.

⁠ 52

సీ.⁠

ఆపాదమస్తకం బంగసంధులవెంట         దుసికిల నూనియ దోఁగ నంటి ప్రత్యగ్రబింబికాపత్రచుంబితముగా         బలుచగా నెమ్మేన నలుగువెట్టి గాజుఁగొప్పెరలలోఁ గమ్మనీరున నూరు         తలములపైఁ జేర్చి జలకమార్చి శివరక్ష యంచు మచ్చిక జలంబులు గొన్ని         చుళుకమాత్ర మొగంబుచుట్టుఁ ద్రిప్పి

⁠

గీ.⁠

యెయ్యనొయ్యనఁ దడియొత్తి యుగ్గుచూపి తిరుగఁ దలయంటి చనుబాల దెలివిగొలిపి నేత్రముల నంజనము నించి నిద్రవోవఁ బాడుఁ బొత్తుల సవరించి బాలు ధాత్రి.

⁠ 53

శా.⁠

నీలస్తంభవిజృంభితోజ్జ్వలహిమానీశుభ్రసౌధంబులో నాలోలంబగు తొట్టెమంచమున నొయ్యం జేర్చి జోకొట్టి యు య్యాలో జొంపల యంచు నూఁపుదురు శుద్ధాంతాబ్జపత్రాక్షు లా బాలుం బాలశశాంకశేఖరకృపాపారీణు గారామునన్.

⁠ 54

చ.⁠

తగినవిభుండు గల్లె నని ధారుణి హర్షము నొందెఁ గల్వపూ మొగడలవిందువంగడము ముందఱికిన్ మొనసాఁగె ఱేనికిన్ బెగడుపితౄణభావమునఁ బేర్చుట మానెఁ గృపావిలాసవ న్నిగమహయప్రభావగుణనిశ్చితుఁడై నృపసూతి యొప్పుటన్.

⁠ 55