పుట:ఉద్భటారాధ్యచరిత్రము.pdf/367

134

ఉద్భటారాధ్యచరిత్రము

ఉ.⁠

సంచితపుణ్యశాలి నృపచంద్రకళాభరణుండు దా విశే షించియు శేషహారునకుఁ జిత్రమణీకృతతోరణంబులున్ గాంచనదీపపాళికలు గ్రామములున్ బహువస్త్ర పేటికల్ చంచలనేత్రలన్ దనయుజన్మదినంబున నిచ్చె వేడుకన్!

⁠ 48

సీ.⁠

ఘుమఘుమనురుమ నంకురితమౌ నూతన         మణి వహించువిదూరమహివిధమునఁ చిఱుతప్రాయముతోడి శీతాంశువుని సొంపు         డళుకొత్తునపరదిక్తటితెఱఁగునఁ గొదమరాయంచ సమ్మదమున విహరించు         చెలువంబుఁ దలమోచుకొలనికరణి నవకమై తళుకొత్తు ననకుట్మలంబుచే         వఱలుమోహనకల్పవల్లిపగిది

⁠

గీ.⁠

భాసురోంకారమును గూడి ప్రజ్వరిల్లు వివులపంచాక్షరీమంత్రవిద్యరీతి భర్గకళ పూని దీపించుబాలుఁ బొదివి కూర్మి దనరారె నృపురాణి కువలయాక్షి.

⁠ 49

చ.⁠

జగతి నరిష్టముల్ దలగఁ జాలి భుజాభుజగాధినాథుపై నిగుడుపఁ గల్గుపుణ్యగుణనిర్మలమూర్తి కరిష్ట మింతయున్ దగులునె పాయుఁగా కనువిధంబున వీడె నరిష్టసంగమం బగణితభాగ్యలక్షణవిహారికి భూపతి ముద్దుపట్టికిన్.

⁠ 50

మ.⁠

పురుడుం బుణ్యముఁ దీర్చి శంకరపదాంభోజాతభృంగంబు భూ వరచూడామణి వల్లకీపతి నభోవాణీవశస్వాంతుఁడై సురధాత్రీసురులం భజించి పిదవన్ సూనున్ బ్రభాభాను వే దరవం బొప్పఁగ ముంజభోజుఁ డని యంతం బెట్టెఁ బే రున్నతిన్.

⁠ 51