పుట:ఉద్భటారాధ్యచరిత్రము.pdf/365

వికీసోర్స్ నుండి
ఈ పుట అచ్చుదిద్దబడ్డది

132

ఉద్భటారాధ్యచరిత్రము


క.

గిరిజావల్లభకరుణా
పరిణామసమగ్ర యుగుచుఁ బతిదేవత భూ
వరురాణి గర్భవైభవ
పరిశీలిత యయ్యె సకలబంధులు నలరన్.

39


మ.

పలుకం బారెఁ గపోలపాళికలు పైపైఁ దోఁచె జాడ్యంబు చ
న్నులఁ బొంకంబు ఘటిల్లె సోగలకన్నుల్ వెల్ల కాఁ జొచ్చె ను
గులు విచ్చెన్ వళిభంగముల్ సరులపైఁ గోర్కుల్ తమింబాసె న
గ్గలమై చిట్టుము లుట్టగాఁ దొడఁగె రాకాచంద్రబింబాస్యకున్.

40


మ.

కలగాంచుం డమరుత్రిశూలధరుఁడై కన్పట్టుబాలుండు పొ
త్తుల నున్నాఁడని యాలకించు బయలం దోతెంచు గంధర్వగీ
తులు కైలాసవసుంధరాస్థలమునందున్ గొల్వు గూర్చుండఁగాఁ
దలఁచుం బాలిక చంద్రశేఖర కళాదర్పస్ఫురద్గర్భయై.

41


మ.

సరి నంభోనిధివేష్టితాఖలధరాచక్రాభిరక్షావిధా
చరణుం బుత్త్రకుఁ గానఁగాఁగల సరోజాతాస్యకుం దోఁచు ని
ర్భరతన్ జిత్తమునందు శత్రువనితాఫాలస్థలీకుంకుమో
త్కరముద్రాహరణప్రవీణఖరఖడ్గప్రాప్తిపైఁ గోరికల్.

42


చ.

పలుచనిసొమ్ములున్ వెలుకఁబారుముఖాబ్దముఁ గ్రమ్మునూర్పులున్
దొలకుల నిండుకుక్షియును దుమ్మెదబోదలతోడి తమ్మి మొ
గ్గల నగునీలచూచుకయుగంబునఁ బొల్చుపయోధరంబు ల
త్యలగకటాక్షము ల్గలిగి యంగన చూ పలరించు భర్తకున్.

41


సీ.

అమృతాంశుకులవనాయతవసంతాగమం
        బరివీరజయగర్వహరణముద్ర
నిఖలబంధుసరోజనీరజాప్తమరీచి
        శాంభవతేజఃప్రచారవీధి