పుట:ఉద్భటారాధ్యచరిత్రము.pdf/328

వికీసోర్స్ నుండి
ఈ పుట అచ్చుదిద్దబడ్డది

ద్వితీయాశ్వాసము

95


సీ.

[కెరలు కాముకకాముకీచిత్తముల]యందుఁ
        జిగురుఁగైదువుజోదు (చే)రఁబడియె
మూఁకలుగట్టి యిమ్ముల మృగంబులు లేఁత
        పచ్చికపట్టులఁ బవ్వడించె
వసుధమీఁదికి మిన్ను వ్రాలెనో యనఁ జెన్ను
        దళుకొత్తఁజీఁకటి దట్టమయ్యె
దశదిశాంత[ముల మొత్తము దైన్యభావంబు]
        హరిహేతిహూతులయందు విడిసె


గీ.

జారులకు మోదసంపత్తి చాలకొదవె
జోరసంచారమునకెల్లఁ జోటుగలిగెఁ
జరమపాథోనిధాననిశ్చలతరంగ
సంగమంబున కినమూర్తి జాఱుటయును.

179


చ.

కలువలపొందు తామరలగాము నిశాసతిజీవగఱ్ఱ తా
రలగమికాఁడు వెన్నెలకరాటము చీఁకటివిచ్చుమొగ్గ చ
ల్వలగని చక్రవాకులతలంకు వియోగులపాలిజాలి వే
ల్పులకఱవెల్లఁ దీర్చుటకు (బువ్వము) చంద్రుఁడు దోఁచెఁ దూర్పునన్.

180


చ.

ప్రమదముతోడ నస్తమితభానునివేషముఁ దాల్చి రాగవి
భ్రమ మొనగూడఁ జంద్రుఁడు కరంబుల నంటినఁ జల్వఁ దాఁకి యో
కమలిని మోమువంచె నది గన్గొ[ని పక్కునఁ దాను] నవ్వె లోఁ
గుముదిని దాన సిగ్గుపడి గొబ్బున వెల్వెలనయ్యె నాతఁడున్.

181


గీ.

ఉదయరాగవిభూతి పయోజసూతిఁ
బిదప నొదవినవెన్నెల మదనదహను
మేనఁ దలుగొత్తుకప్పున దానవారిఁ
బోలి చూపట్టె నంత నంభోజవైరి.

182