పుట:ఉద్భటారాధ్యచరిత్రము.pdf/323

వికీసోర్స్ నుండి
ఈ పుట అచ్చుదిద్దబడ్డది

90

ఉద్భటారాధ్యచరిత్రము


గీ.

ఉరునితంబంబు వలగొన నరుగఁబోలు
మ్రొక్క జారంగఁబోలు నూరువులవెంటఁ
దిరుగఁగానేరదయ్యె భూసురకుమారు
చూడ్కి యెలనాఁగచెలువంబు చూచినపుడు.

159


మ.

అంతనింతయు నింపుసొంపున నంతకాహితుఁ గొల్చి మేల్
సంతసంబునఁ గూడి తోడివిశాలనేత్రలు దాను ది
గ్దంతియానము మించుయానము గల్గి యింటికి నేఁగ వి
భ్రాంతి నెంతయుఁ బట్టి ధీనిధిపట్టి యిట్లను భూవరా.

160


ఉ.

ఎవ్వతెయొక్కొ యీజలరుహేక్షణ దీనికి నామమెద్దియో
యెవ్వనిపుణ్య(వైభవమొ) యివ్వనితామణిఁ గూడఁగల్గుటన్
బువ్విలుకానిబారిఁ బడిపోవఁడె వారిజగర్భుఁడైనఁ బై
నివ్విధుబింబవక్త్రహసితేందురుచుల్ గరువంబు చూసినన్.

161


చ.

స్మరశరవిభ్రమంబు నవచంద్రకళావిభవంబుఁ బుష్పవ
ల్లరిఁ గల తేటబంగరుసలాకవిశేషము క్రొమ్మెఱుంగు వి
స్ఫురణము నీ మృగాక్షి యయి పొల్పెసలారెడుఁ గాకయున్న నీ
కరణి మదేభగామినులఁ గంటిమె యెచ్చటనైన వింటిమే.

162


క.

అనుచున్ మోహవశాంబుధి
మునుఁగుచు మరుఁ డేయుబాణములఁ దూలుచు నొ
చ్చిన విప్రుఁ జూచి తత్సఖుఁ
డనియెన్ బరభావవేది యనువాఁ డంతన్.

163


ఉ.

సానిదిగాన యీ (వికచసారసలో)చన పొంద దుర్లభం
బైనదిగా దిదెంతపని యన్నియుఁ జక్కనసేయువాఁడ లోఁ
బూనుము ధైర్య మిట్టియెడఁ బ్రొద్దిఁక నేఁటికిఁ బోయె నింటికిన్
బో నయమేది వట్టివెతఁ బొం(దఁగ నేటికి విప్ర)నందనా!

164