పుట:ఉద్భటారాధ్యచరిత్రము.pdf/307

వికీసోర్స్ నుండి
ఈ పుట అచ్చుదిద్దబడ్డది

74

ఉద్భటారాధ్యచరిత్రము


ఉ.

కోకకుఁ గూటికై యొకనిఁ గొల్చి తదీరితవాక్యపద్ధతిన్
జేకొని యూడిగంపుఁబని సేయుచుఁ బ్రాయము సత్తుగా మదిం
గై[కొన కీశ్వరున్ దిరిగినన్] కుసుమీకృతశీ[తభాఃకళా
ప్రాకటజూటితో నరుఁడు భాసిలు గంగ మునింగి కాశిలో.]

91


గీ.

[తనకుఁబలె స్వచ్ఛమై యొప్పు తనువొసంగి
తనదు నొకపాయ మల్లెపూదండఁ జేసి
వానిసిగ నిడు దేహావసానవేళ
స్నాతపైఁ గాశి గంగ కెంత కనికరమొ.]

92


గీ.

[మూడ దతనికి చాపు చావునకె మూడు
మూఁడుజన్మములం దంత్య మూడిపోయి
కనులు రెండున్నవానికిఁ గనులు మూఁడు
వారణాసి గంగాస్నానకారణమున.]

93


గీ.

[కాశిలోఁ బట్టతలవాఁడు గంగ మునిఁగి
జడముడి ధరించు దానిపై సవదరించు
ఫణిఫణారత్నరుచి దానిపై వహించు
మొలకజాబిలి జాజిపూమొగ్గవోలె].

94


గీ.

[ఈభవమ్మున ఫలమున కేమిగాని
రాఁగలభవమ్ము మొదలంట రాచినాఁడు
గంగలో వారణాసి మునుంగువాఁడు]
దొంటి భవమునఁ బుణ్యంబుఁ దొడినాఁడు.

95


సీ.

ఆనందవనమున కరిగెద నని తలం
        చినఁ దీర్థముల కెల్లఁ జనినయట్ల
వారాణసికిఁ బోయివచ్చెద నని పల్క
        సకలాగమంబులు (చదివినట్ల)