పుట:ఉద్భటారాధ్యచరిత్రము.pdf/305

వికీసోర్స్ నుండి
ఈ పుట అచ్చుదిద్దబడ్డది

72

ఉద్భటారాధ్యచరిత్రము


యొండుదెస ముక్తి గనుపట్ట దుగ్రుఁ డేలు
నగరికడ నీల్గుమాత్రనె తగులు ముక్తి.

84


సీ.

కన్నులారఁగఁ గాశిఁ గననివానిభవంబు
        సలిలంబులేని కాసారమట్లు
కాశి కేఁగఁ బ్రియంబు గలుగకుండినవాని
        భావంబు దలపోయఁ బాడుకొంప
కలదు తీర్థము కాశికకుఁ దుల్యమనువాని
        కెందుఁ బ్రాయశ్చిత్త మింతలేదు
కాశికాపురమున్కిఁ గడచి యొండొకచోటి
        కేఁగు నెవ్వఁడు భాగ్యహీనుఁ డతఁడు


గీ.

యాగములు వేయు చేయంగ నైనఫలము
కోటిగోదానముల నొనగూడుఫలము
పెక్కునల్లిండ్లు నిలుపుటఁ బేర్చుఫలము
కాశి నొకపూట వసియింపఁ గలుగు నధిప.

85


క.

గోపతి గమనునిపురి గం
గాపగలోఁ గ్రుంకువెట్టు నతిపుణ్యులకున్
దాపత్రయం బుడిగి యొక
తాపము బాలమున నెవుడుఁ దరలకయుండున్.

86


సీ.

అభ్రగంగాప్రవాహంబు లెన్నియొకాని
        (తల ధరియింతు) రందఱును నదులు
పదినూఱుపడగలపాము లెన్నియొకాని
        యందఱు నురగేంద్రహారయుతులు
డాలొందు చంద్రఖండంబు లెన్నియొకాని
        యందఱు ధరియింతు (రమృతకరుని
విషరాశిఁ) బుట్టిన విషము లెన్నియొకాని
        యంతఱు హాలాహలాంకగళులు