పుట:ఉద్భటారాధ్యచరిత్రము.pdf/303

వికీసోర్స్ నుండి
ఈ పుట అచ్చుదిద్దబడ్డది

70

ఉద్భటారాధ్యచరిత్రము


మ.

అదె గంగాజలరేఖ యల్లదె శశాంకార్ధంబు ఫాలాక్ష మ
ల్లదె కాకోదరహారవల్లి యదె పద్మాపత్యభస్మచ్ఛటా
సదలంకారవిశేష మల్లదె మహాశాతత్రిశూలాయుధం
బదె యంచున్ సురలందు (రచ్చట మృతుండౌ) దేహి దేహంబునన్.

78


సీ.

దర్వీకరంబైన దర్వీకరముఁ జుట్టు
        మృగమైనఁ గెంగేల మృగముఁ బట్టు
శార్దూలపతియైన శార్దూలపతిఁ జీఱుఁ
        గరియైనఁ గరితోలుఁ గట్టి మీఱు
[జడలమెకంబైన యెడ జడల]నె మోచు
        నెద్దైన వెలిచాయ యెద్దుఁ బూన్చు
బోయవాఁడైనను బోయవానీరాడు
        నవియైన గావించు నవినవీడు


గీ.

పునుకయైనను విధిఁ గొట్టుఁ బునుకడుల్ల
నెముకయైనను మెడఁదాల్చు నెముకపేరు
(గాశికాపురిఁ బ్రవహిం)చు గగనగంగ
నీటఁ దోఁగిన మాత్రనె నృపవరేణ్య!

79


మ.

కకుబంతంబులవెంట గ్రాసమునకై కా లీచవో సారెసా
రెకుఁ గష్టాశఁ జరింపుచున్ ఫలముఁ దూలింపన్ వృథాయాసులై
[వికలత్వస్థితి దాసులై] పరిగళద్విజ్ఞానులై తూలి కా
శికి బోఁగానని వారిజన్మములు వీక్షింపన్ మృతిప్రాయముల్.

80


మ.

సుతులంచున్ సతులంచు గాంచనము లంచున్ దేరులంచున్ బురో
హితు లంచున్ బొ[డసూపి బుద్భుదములట్లే పోవుక్షర్యమ్ములన్]
సతముల్గా మది నమ్మి మూఢుఁడు దురాశాపాశబద్ధాత్ముఁడై
శితికంఠున్ భజియింప లేఁ డహహ! కాశీపుణ్యదేశంబునన్.

81