పుట:ఉద్భటారాధ్యచరిత్రము.pdf/274

వికీసోర్స్ నుండి
ఈ పుట అచ్చుదిద్దబడ్డది

ప్రథమాశ్వాసము

41


లించువిల్తునిదొన లివికావు కాహళ
        లవియుఁగా వివి జంఘ లరసిచూడ


గీ.

ననుచు జనములు సంశయం బధిగమింప
ముదముకతమున విడిపడ్డ మదనురాణి
ముద్దురాచిల్క బోదల మురువు చూపి
భామినులు మింతు రమ్మహాపట్టణమున.

162


చ.

సిరులకుఁ బుట్టినిల్లు వరసీమ నిరంతరభోగసిద్ధికిన్
శరణము ధర్మనిర్వృతికి జాడ మహార్థవిహారలీలకున్
బరిసర మాగమంబులకుఁ బండితపంక్తికి నిల్వనీడ త
త్పురము తదీశ్వరుం డమరుఁ బుణ్యుఁడు శ్రీప్రమథేశ్వరుం డిలన్.

163


ఉ.

ఆయతబాహువుల్ వెడఁదయై కనుపట్టు భుజాంతరంబునున్
గాయజుఁ గ్రేణిసేయు నవకంబగు చక్కఁదనంబు గల్గు ల
క్ష్మీయుతమూర్తియుం జనులచిత్తములం గరఁగింప నొప్పు నా
గాయుతసత్త్వశాలి తుహినాంశుకులోద్భవుఁ డాతఁ డున్నతిన్.

164


చ.

కువలయరక్షకుండు బుధకోటికిఁ బ్రాణపదంబు పార్వతీ
ధవునకుఁ బువ్వుదండ యమృతంబుల పెన్నిధి దుగ్ధవార్థి సం
భవుఁ డిటువంటిరాజు కులభర్తగఁ దేజముగన్న యన్నృప
ప్రవరునిఁ బ్రస్తుతింప నహిరాజునకైనఁ దరంబె యిమ్మహిన్.

166


సీ.

చపలతరేంద్రియాశ్వముల శంకరపాద
        కమలంబు లను సాహణములఁ గట్టి
తాపత్రయాభీలదావానలస్ఫూర్తి
        విలసితవిజ్ఞానదృష్టి నడఁచి
యకలంకకీర్తిచంద్రికల లోకాలోక
        గుహలకుఁ దెలివి నూల్కొఁగఁ జేసి