పుట:ఉద్భటారాధ్యచరిత్రము.pdf/273

వికీసోర్స్ నుండి
ఈ పుట అచ్చుదిద్దబడ్డది

40

ఉద్భటారాధ్యచరిత్రము


తోడంబుట్టువు లభ్రగంగకు మఱందుల్ పాలమున్నీటికిన్
బ్రోడల్ కీర్తి ధనార్జనంబునఁ బురిన్ బొల్పారుశూద్రోత్తముల్.

157


మ.

పవిలీలన్ బహుధారలన్ మురియుచున్ బద్మాక్షుచందంబునన్
భువనస్తుత్యసుదర్శనోదయముచేఁ బొల్పొందుచున్ వార్ధి రే
ఖవలద్వాహినిచొచ్చు నేర్పుఁ గొనుచున్ గర్వంబుఁ గాంచున్ బురిన్
బవనాఖ్యేయజవంబులైన హయముల్ భవ్యప్రచారంబులై.

158


ఉ.

రాజగృహంబులట్ల బహురాజితకక్ష్యల మించి వాహినీ
రాజియుఁ బోలెఁ బద్మనికరంబులఁ బెంపు వహించి విశ్వధా
త్రీజనవంద్య విప్రులగతిన్ మహనీయపదక్రమంబులన్
దేజముఁ గాంచు నప్పురి సుదీర్ణబలాఢ్యకరిప్రకాండముల్.

169


గీ.

చక్రసంపత్తి వాహినీసమితిఁ బోలి
ప్రథిత యగుయుక్తిఁ గా విభ్రమముఁ దాల్చి
యక్షమాలాసదాసక్తి యతుల మీఱి
నగరమునఁ జూడ నొప్పు నున్నతరథములు.

160


ఉ.

మింతురు సత్త్వసంపద సమీరకుమారకుమారముఖ్యులన్
నింతురు కీర్తి నల్లడల నిల్కడఁ బొంది రణాగ్రవీథులన్
గాంతురు వీరధర్మ మతిగర్వితపర్వతవజ్రపాణులై
సంతతమానుషోదయవిచారులు శూరులు తత్పురంబునన్.

161


సీ.

ఇవికావు నీలంబు లివికావు తుమ్మెద
        లవియుఁగా వివి కుటిలాలకంబు
లిందుని బింబంబు లివి గావు నెత్తమ్ము
        లవియుఁ గా వివి మోహనాననంబు
లిభకుంభపాళిక లివిగావు జక్కవ
        లవియుఁగా వివి మెఱుఁగారు చన్ను